अध्यक्ष ओलीकाे निर्देशन: हरेक वडामा ५१ प्रतिशत मत आउने गरी काम गर्नुस्
पाेखरा | कात्तिक १३, २०८०
पोखरा: नेकपा एमालेका अध्यक्ष केपी ओलीले २०८४ को निर्वाचनमा हरेक वडामा एमालेको ५१ प्रतिशत मत ल्याउने गरी काम गर्न नवनिर्वाचित गण्डकी प्रदेश कमिटीलाई निर्देशन दिएका छन् ।
नेकपा एमाले गण्डकी प्रदेशको प्रथम अधिवेशनबाट निर्वाचित कमिटिको शपथ ग्रहण कार्यक्रममलाई सम्बोधन गर्दै अध्यक्ष ओलीले यस्तो अभिव्यक्ति दिएका हुन् ।
उनले एमालेको सरकार निर्माण गर्न स्वच्छ र निष्पक्ष ढङ्गले चुनाव जित्न हरेक वडामा एमालेको ५१ प्रतिशत मत ल्याउने गरी काम गर्न कार्यकर्तालाई निर्देशन दिए ।
‘हामीले बुट कब्जा गरेर चुनाव जित्दैनौ, जनताको मन जितेर चुनाव जित्ने हो’, अध्यक्ष ओलीले भने, ‘२०८४ को चुनावमा हरेक वडामा एमालेको ५१ प्रतिशत मत आउने गरी काम गर्नुहोला ।’
उनले मिसन ०८४ मा एमालेको बहुमतसहित सरकार बनाउन कार्यकर्ता, नेताले इमान्दार भएर काम गरे सम्भव भएको उल्लेख गरे ।
‘हामी चुनाव जित्न नेता कार्यकर्ता इमान्दार हुनुपर्छ, चुनाव जित्नका लागि एकता चाहिन्छ’, उनले भने, ‘जनताको मन जित्न अनुशासित, इमान्दार र सक्रिय भएर लागे मात्र हामी सफल हुन्छौ ।’
अध्यक्ष ओलीले कम्युनिष्ट एकता नचाहेकाहरुले दुईतिहाइको सरकार ढालेर कांग्रेसको करेसाबारीमा बास मागेको समेत आरोप लगाएका छन् ।
उनले दुईतिहाइको सरकार ढालेर नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल प्रचण्ड र नेकपा एसका अध्यक्ष माधवकुमार नेपालले नेकपाको दुईतिहाईको सरकार ढालेको आरोप लगाएका थिए ।
काठमाडौं: प्रधानमन्त्री तथा मन्त्रिपरिषद्को कार्यालयले नागरिकका गुनासो सुनुवाइलाई छिटो, छरितो, पारदर्शी र प्रभावकारी बनाउन ‘हेलो सरकार’ लाई स्तरोन्नति गरी नागरिक गुनासो तथा एकीकृत सेव...
चितवन: जिल्लाका विभिन्न स्थानबाट ५७ जनालाई जुवाको खालबाट नियन्त्रणमा लिइएको छ । चालु आर्थिक वर्ष सुरु भएसँगै उनीहरूलाई नियन्त्रणमा लिइएको हो । उनीहरूबाट रु आठ लाख ३८ हजार ६४५ नगदसमेत बरामद ...
काठमाडौं: नेपाल राष्ट्र बैंकले बैंक तथा वित्तीय संस्थाबाट रु ८५ अर्ब बराबरको तीनमहिने निक्षेप सङ्कलन गर्ने भएको छ । राष्ट्र बैंकको मौद्रिक व्यवस्थापन विभागले आज जारी गरेको सूचनाअनुसार उक्त निक्षेप सङ्क...
